Плетените парчињата се голем хит ова лето, не само во светот на модата, туку и во декорацијата на домот, а Сабрина Карпентер покажа дека и самата е поддржувач на овој стил. Неодамна направи селфи на кое носи краток бел фустан.
Горниот дел од фустанот е спуштен од рамената, создавајќи нежен, заводлив впечаток. Ракавите се кратки, широки и лелеави, што дополнително ја нагласува ретро, летната атмосфера на целата комбинација. Половината на фустанот е малку нагласена со врвка, па кројот останува удобен, но сепак ја следи линијата на телото. На нозете носеше впечатливи чевли Диор со машна.
Косата ѝ е стилизирана во волуменозни кадрици со нагласени шишки, нејзин заштитен знак, а шминката ѝ е драматична со изразено руменило и нагласени очи. За да ги следи трендовите, Сабрина покажа и футрола за телефон во путерно-жолта боја.
Целата комбинација зрачи со мешавина од бохо стил и ретро-гламурозни вибрации: фустанот изгледа како совршен избор за летни забави, прошетки покрај море или романтични вечерни излегувања, додека фризурата и шминката додаваат дополнителна театралност и препознатлив моден израз.
Фото: принтскрин
