Две тинејџерки од Њу Орлеанс тврдат дека користеле тригонометрија за да ја докажат Питагоровата теорема, за која академиците мислеле дека е невозможно да се реши повеќе од два милениуми пренесува „Гардијан“.
Калчеа Џонсон и Не’Кија Џексон, студенти на Академијата „Сент Мери“, неодамна ги претставија своите наоди на полугодишниот состанок на Американското математичко друштво во Џорџија.
Според Питагоровата теорема стара 2.000 години, збирот на квадратите на двете катети, пократките страни на правоаголниот триаголник, е еднаков на квадратот над најдолгата страна, хипотенузата.
Во воведот на Џонсон и Џексон, тригонометријата или проучувањето на триаголниците зависи од теоремата. Откако тоа поле на проучување е откриено, математичарите тврдат дека секој наводен доказ за Питагоровата теорема користејќи тригонометрија претставува логичка заблуда позната како „кружно расудување“, термин кој се користи кога некој се обидува да потврди некоја идеја со самата идеја.
Џонсон и Џексон наведуваат дека книгата со најголемата позната збирка докази за теоремата, „Питагоровата теорема“ од Елиша Лумис, едноставно наведува дека нема тригонометриски докази бидејќи сите основни формули на тригонометријата сами по себе се засноваат на вистинитоста на Питагоровата теорема.
