Модната куќа Луј Витон го ангажираше Фарел Вилијамс за да ја преземе позицијата на креативен директор за машка облека по смртта на дизајнерот Вирџил Аблох пред повеќе од една година.
„Луј Витон со задоволство го пречекува Фарел како нов креативен директор за мажи“, објавија на Твитер. Првата колекција на Вилијамс ќе биде прикажана во јуни за време на машката модна недела во Париз.
Вилијамс се прослави во музичкиот бизнис како продуцент и пејач со хитови како Happy и Blurred Lines. Тој освои 13 Греми награди и беше судија во популарното натпреварувачко шоу за пеење „Д воис“. Песната Happy, напишана за анимираниот филм Despicable Me 2, му донесе на Вилијамс една од двете номинации за Оскар. Неговото второ признание за Оскар дојде како продуцент на Hidden Figures номинирани за најдобар филм.
Louis Vuitton is delighted to welcome @Pharrell as its new Men’s Creative Director. His first collection for Louis Vuitton will be revealed next June during Men’s Fashion Week in Paris. #LouisVuitton #PharrellWilliams pic.twitter.com/GRCQFfOAHK
— Louis Vuitton (@LouisVuitton) February 14, 2023
Вилијамс има големо искуство и во модната индустрија. Тој одигра улога во подемот на уличната облека, ко-основајќи ја етикетата Billionaire Boys Club со јапонскиот дизајнер Ниго во 2003 година и започна соработки со Adidas, како и со луксузните брендови Moncler и Chanel.
Минатата година Вилијамс се појави на дебитантската модна ревија на Ниго во Париз за брендот Кензо во сопственост на LVMH, носејќи очила обложени со дијаманти направени од Тифани – уште еден бренд во сопственост на LVMH.
Назначувањето е првиот потег на новоименуваниот извршен директор на Луј Витон, Пјетро Бекари.
Претходникот на Вилијамс, Вирџил Аблох, кој почина во ноември 2021 година, беше на чело на машката облека на Луј Витон четири години и беше првиот афро-американски уметнички директор на етикетата. Аблох беше и основач на модниот бренд Off-White, кој беше купен од матичната компанија на Луј Витон LVMH во 2021 година.
