Голманот на Аргентина, Емилијано Мартинез го тетовираше пехарот од Светското во Катар на ногата со која ја спаси репрезентацијата од пораз во финалето против Франција. Мартинез во продолжението од натпреварот спаси сигурен гол по шутот на Французинот Рандал Коло Муани.
За потсетување, Аргентина стана светски шампион по изведувањето на пенали, откако регуларниот дел од натпреварот заврши 2:2, додека по еден гол дадоа двете репрезентации во продолжението.
