Откако стана прва дама на САД, Меланија Трамп не го крие своето незадоволство.
Поранешната словенечка манекенка на почетокот на кампањата се обидела да биде колку што е можно повеќе во сенка на американскиот претседател, Доналд Трамп, а често нагласувала дека најважно нешто во нејзиниот живот ѝ е нејзиниот син Барон.
Откако Трамп стана претседател, животот на Меланија се претвори во нешто што таа никогаш не го посакувала, пишува американското списание „Пипл“.
„Нивниот живот се претвори во животот на Кардашијан. Постојано е во медиумите, а скандалите само се множат“, изјавил извор близок до Словенката.
Иако Меланија на почетокот на кампањата и мандатот на Доналд Трамп не била премногу популарна, денес, според некои анкети, е најпопуларна меѓу членовите на семејството Трамп.
