Од 12 до 28 јануари следната година во Хрватска ќе се одржи Европското првенство во ракомет за мажи. За првпат првенството ќе го пренесува ТВ Телма, која минатата сезона пренесуваше натпревари од домашното првенство и некои од натпреварите на репрезентацијата на Македонија.
На првенството Македонија на 13 јануари ќе игра против Словенија, на 15 јануари против Црна Гора, а на 17 јануари противник на нашиот тим е репрезентацијата на Германија. Втората фаза од натпреварите ќе стартува на 19 јануари а во неа влегуваат првите три селекции од секоја група. Нашите момци првите натпревари ги играат во Загреб, а ако поминат во вториот круг ќе треба да се преселеат во Вараждин.
