Озонската обвивка на Земјата е на пат целосно да се опорави во рок од неколку децении, бидејќи хемикалиите што ја осиромашуваат се исфрлаат низ целиот свет, според новата проценка поддржана од Обединетите нации.
Озонската обвивка ја штити планетата од штетните ултравиолетови зраци. Но, од доцните 1980-ти, научниците ја алармираат јавноста за дупка во овој штит, предизвикана од супстанции што ја осиромашуваат озонската обвивка, вклучително и хлорофлуоројаглеродите, наречени CFC, кои често се наоѓаат во аеросоли и растворувачи.
Меѓународната соработка помогна да се запре штетата. Употребата на CFC е намалена за 99 отсто откако Монтреалскиот протокол стапи на сила во 1989 година, со што започна постепено укинување на овие и други хемикалии кои и штетат на планетата, според проценката на експертската комисија.
Доколку глобалните политики останат на сила, се очекува озонската обвивка да се опорави до 2040 година за поголемиот дел од светот, се вели во проценката.
За поларните региони, временската рамка за закрепнување е подолга до 2045 година над Арктикот и до 2066 година над Антарктикот.
