По 11 дена од катастрофалниот земјотрес во Турција спасено е 12-годишно момче. Осман Халеби минал 260 часа под урнатините во Антакија.
Вчера беше спасена 17-годишната Алејна Олмез од урнатините во Кахраманмараш по 248 часа. Алејна преживеала и покрај повредата и ладното време повеќе од десет дена.
„Изгледаше во добра состојба. Видовме дека ги отвораше и затвораше очите. Работевме на оваа зграда цела недела и среќни сме кога ќе пронајдеме нешто живо, па макар и животно“, изјавил еден спасувач.
