Градот-хотел Свети Стефан кај Будва е отворен за дневни посети, цената е 25 евра за возрасни и бесплатно за деца до 12 години во придружба на нивните родители.
Во градот ќе се влегува во групи на секој час или час и половина. Границата е 10 возрасни по тура, која треба да се зголеми. Билетите за влез во Свети Стефан може да се купат во трговскиот центар под летната сцена.
Од Иницијативата за враќање на Свети Стефан во целосна сопственост на државата посочуваат дека ќе се залагаат цената да биде пониска, бидејќи сметаат дека е превисока.
„Во секој случај, работите тргнаа од мртва точка. Сè уште има многу простор режимот за пристап на островот на крајот да биде усогласен до одреден степен со Конвенцијата на Советот на Европа за Фаро и насоките на Европа Ностра, но сè уште сме далеку од тоа. Очекуваме Свети Стефан да биде отворен за дневни посети и во зимскиот период со намалена цена на билетот за граѓаните на Црна Гора. Ова е чекор поблиску до Нови Свети Стефан како отворен град, вечен и неуништлив, кој може еден ден да биде ставен под заштита на УНЕСКО. Од друга страна, има уште многу отворени проблеми кои мора да се решат согласно законите на Црна Гора и меѓународните конвенции“, посочуваат од Иницијативата за враќање на Свети Стефан во целосна сопственост на државата.
