Австралиецот Блејк Џонстон постави нов рекорд за најдолго сурфање со бранови од повеќе од 30 часа на плажа во близина на Сиднеј. Подвигот што тој го направил е уште поважен, бидејќи има за цел да собере пари за ментално здравје и спречување самоубиства.
40-годишникот се расплакал додека успеал да го надмине претходниот рекорд кој го држел Јужноафриканецот Џош Елсин и сурфал 30 часа и 11 минути во навистина тешки услови, борејќи се со роеви медузи и црна темнина. Кога излегол од водата им се заблагодарил на стотиците луѓе кои го бодреле од плажата Кронула и повторно се вратил во водата за да постави нов рекорд од 40 часа сурфање.
„Имам уште работа. Имам 40 години, па ќе одам повторно и ќе дадам се од себе“, им рече тој на новинарите. Блејк Џонстон се впушти во рекордна авантура за да собере 400.000 австралиски долари (252.000 евра) за превенција од самоубиства и ментално здравје на младите. Таткото на Џонсон се самоубил пред десет години.
Сурферот уловил приближно 525 бранови од почетокот на сесијата што ја започнал во четвртокот наутро и продолжил длабоко во ноќта со светлината на проекторот.
„Сурфав со него во два часот наутро и светлата нема, насекаде беше темнина“, изјавил братот на Џонстон.
Ова не е првиот тест на издржливост за Блејк Џонстон, бидејќи тој истрчал 200 километри по стрмниот јужен брег на Сиднеј во 2020 година и поголемиот дел од патеката го истрчал бос.
