Продуцентската куќа на Барак и Мишел Обама Higher Ground Productions најави дека ќе снимат четири филма и две серии со Нетфликс.
Тие ќе го адаптира романот на британско-пакистанскиот автор Мохсин Хамид „Излез од запад“ во филм, се вели во соопштението на Нетфликс. Книгата зборува за млад пар кој наоѓа магична врата што ќе ги пресели на други места во средината на светската бегалска криза.
Другите филмски проекти го вклучуваат научно-фантастичен филм наречен „Сателит“ кој ќе биде во соработка со режисерот на „Војна на ѕвездите“, Рајан Џонсон и продуцентот Рам Бергман.
Филмот „Тензија“ ја раскажува приказната за непалско – индиски шерпас кој прв го искачил врвот на Монт Еверест со Едмунд Хилари од Нов Зеланд, а „Млада сопруга“ е игран филм кој ги прикажува чувствата на жената на денот на нејзината венчавка.
Компанијата развива и две телевизиски серии. „Ќерката на пожарникарот“ е трилер според романот на Анџелина Булеј за осумнаесетгодишен член на племето Оџибва, кој неволно оди на тајна задача во полициска истрага, додека втората серија ќе биде документарец за национални паркови.
Нетфликс соопшти дека проектите ќе бидат објавени во следните неколку години, но не ги прецизираше точните датуми на објавување.
