„Плачев да не ја повредам ќерката“ – Сара Мејс за мајчинството и семејството

By

Пејачката и харфистка Сара Мејс периодов е една од најангажираните музичари кај нас. За кратко време промовира две песни, а настапи и на концертот по повод Светскиот ден на харфата, кој се одржа на 20 октомври. Не крие колку е возбудена што ја претставуваше Македонија на ваков музички настан, особено што идејата за концертот дошла од Александар Болдачев, за Сара најдобриот харфист на светот.

„Ако некој погледне што сум постирала на фејсбук пред десет годни, ќе види дека секој втор ден ставав видеа од Болдачев“, ни рече Сара, која свири харфа од 15 години.

Нејзините родители во тоа време немале пари да ѝ купат харфа, инструмент кој е многу скап, па таа секојдневно вежбала на училиште. Но, откако пред две години ја роди ќерката Илина, музиката веќе не ѝ е на прво место.

„Сега сè се врти околу Илина, чие име го избрав јас, а му се допадна и на Димитар, затоа што е традиционално. Ако имаме и второ дете, најверојатно пак ќе носи традиционално, а не модерно име“, ни вели Сара. И додава дека заради ќерката, таа и сопругот направиле големи промени во животот, а Димитар дури и го продал моторот.

Не беше лесно да се гледа дете. Особено кога ќе почнеше да плаче, а Сара и Диме не знаеле што ѝ е.

„Кога Илина плачеше, плачевме и ние, па со ножички ги сечевме алиштата за да ја облечеме, оти ни беше страв да не ја повредиме“, раскажува низ смеа Мејс.

Призна дека е сменета многу од тинејџерските години, па колку и во јавноста да делува поинаку, таа сега сака да готви, да ја постави масата и да чека Димитар и Илина да се вратат дома за да ручаат како семејство. „Заедно растеме и созреваме“.

А за тоа како од екскурзија трчала во школо да вежба, дали ги прифаќа советите на бабите околу воспитувањето на Илина, зошто му се лутела често на Димитар на почетокот на врската… Гледајте го видеото.

Андријана Јовановска

Ќе ви се допадне