Јулија Скрипал, ќерката на поранешниот руски агент Сергеј Скрипал, која беше отруена во Салсбери со нервен гас, е во стабилна состојба, пренесуваат медиумите.
Како што се наведува, таа е во состојба да јаде и пие и може да зборува.
Од друга страна, Сергеј Скрипал и понатаму се наоѓа во критична состојба и е на интензивна нега.
Говорејќи за ризиците, персоналот од болницата, кој е во постојан контакт со нив, им пренел на медиумите дека тие се минимални.
Сергеј Скрипал и неговата ќерка Јулија се отруени на 4 март во Салсбери, а британските власти, како и голем број држави од ЕУ, САД и Канада, по тој повод ја обвинија Москва.
Во врска со тоа, голем број земји одлучиле да ги протераат руските дипломати, додека Русија ваквиот чин го карактеризирала како непријателски.