Многумина се прашуваат зошто рускиот претседател Владимир Путин го носи саатот на десната рака, а не на левата, какко повеќето луѓе во светот. Теоретичарите на заговор имаат неколку обајснувања за тоа, а една од нив е поврзана со неговите тренинзи и медитација.
Други пак сметаат дека Путин е леворак, односно дека со пишувањето со десната рака само го прикрива фактот дека е леворак.
Има и такви кои целата работа ја поврзуваат со амбидекстрија, односно вродена или стекната способност кај некои луѓе поеднакво да ги користат и левата и десната страна од телото, пред сè рацете.
Сепак Путин во едно од своите интервјуа ги негираше сите овие теории. Тој рече дека причината е практична и едноставна.
„Го носам саатот на десната рака затоа што само така не ми смета копчето за навивање. Тоа е единствената причина“, рече Путин.
