Студентот Владислав Рослјаков, кој наводно извршил масакр во политехничкото училиште во Керч, каде што убил 19 лица и ранил повеќе од десетина, а потоа се самоубил, се јави жив и здрав.
По шокантниот пресврт, следеле повеќе снимки на Јутјуб во кои Владислав демантира каква било врска со нападот.
„Медиумите ме прогласија за терорист. Објавија моја фотографија, од мојот профил иако немам никаква врска со тоа“, вели тој.
На неговата страница VKontakte се наоѓа и пост: „Сите избришани записи ќе бидат вратени“.
Медиумите објавија дури дека не е ни студент на политехничкото училиште во Керч и дека неговото вистинско име е Владислав Дивиз.
„Не разбирам што се случува. Има многу луѓе кои ќе посведочат дека тоа не сум јас. Бев во училиште од 9:00 до 12:30 часот. Постојат и записи во дневникот. Ова се глупости. Се плашам дека сега можат да ме убијат на улица“, објавил Владислав за RBC.
