Лидерот на Северна Кореја, Ким Џонг-ун, нема двојник туку има само ослабено 20 килограми, велат службите од Јужна Кореја. Тие навеле дека Ким претходно немал никакви здравствени проблеми иако тежел 140 килограми.
Извештајот што го составила и објавила Националната известувачка служба НИС, за време на седницата на парламенотот зад затворени врати ги отфрлила шпекулациите дека Пјонгјанг користел двојник за Ким на неговите неодамнешни настапи.
Ова го соопшти еден пратеник од Демократската партија, пренесе „Јохап“. Според него, НИС направил проценка по спроведените детални студии за здравствената состојба на севернокорејскиот лидер со користење вештачка интелегенција и други научни методи.
Здравјето на Ким е честа тема на шпекулации. Многумина политички се препукуваат и велат дека дека тој не бил во можност повеќе да ја извршува лидерската позиција, но не кажуваат кој би можел да биде негов наследник.
Според извештајот, Ким оваа година спровел 70 дена јавни активности, што е за 45 проценти повеќе од истиот период минатата година.
Тој ги тргнал портретите од неговиот татко и дедо, поранешните лидери Ким Џон-ил и Ким Сунг, од позадините на неговите официјални состаноци, што укажува дека почнува да излегува од сенката на неговите претходници, велат експертите.
Неговата сестра Ким Јо Џонг, имала исто така неколку јавни активности, вкупно 34 оваа година, двојно повеќе од минатата. Таа е задолжена да ги надгледува односите со Јужна Кореја и САД. НИС ги објави и тајните патувања во провинциите каде го проверува животот на другите луѓе и ги пријавува сите извештаи на својот брат.
