Поранешниот американски претседател, Барак Обама, за време на гостувањето во емисијата на Џејмс Корден, The late Late Show, кажа дека постојат некои работи за вознемјаните, кои тој едноставно не можел да ги сподели со јавноста.
Тој не зборуваше за детали, но, откри дека кога стапил на функцијата за претседател во 2009 година, прашал дали постои некаква тајна лабораторија во која се кријат информации за вонземјани, за кои тој би требало да знае.
Во разговорот со водителот, Обама кажа: „Кога се во прашање вонземјани, некои работи едноставно не можам да ви ги кажам во програма“.
Потоа тој продолжи: „Кога дојдов во канцеларијата, прашав дали постои некаде некаква лабораторија во која држиме примероци на вонземјани и вселенски бродови. Тие малку истражуваа и ми одговорија дека не постоти такво нешто, но, она вистината е, сега ова го зборувам сериозно, дека постојат снимки и записи за објекти на небото за кои не знаеме точно што се. Не можеме да објасниме на кој начин се движеле и летале, не ни е јасно нивното патување и не можеме да го разбереме нивното однесување“, кажал Обама во емисијата.
Тој додал дека постојат луѓе кои сериозно ги истражуваат овие настани, но, за жал, тој немал што да пријави во врска со тоа.
Неговото открите следеше еден ден откако во јавноста се појави снимка за наводно НЛО, како прелетува покрај американскиот брод во близина на Сан Диего, а потоа исчезнува во морето.
The US Navy photographed & filmed “spherical” shaped UFOs & advanced transmedium vehicles; here is some of that footage. Filmed in the Combat Information Center of the USS Omaha / July 15th 2019 / warning area off San Diego @ 11pm PST. No wreckage found. No craft were recovered. pic.twitter.com/tK1YTG8sJ7
— Jeremy Corbell (@JeremyCorbell) May 14, 2021
И поранешниот поручник на американската морнарица, Рајан Грејвс, зборувал за своите наводни средби со мистериозни објекти, нагласувајќи дека заедно со другите пилоти од неговата борбена ескадрила, F/A-18, забележал чудни, неидентификувани објекти во воздушниот простор југоисточно од Вирџинија бич. Тој вели дека тоа се случувало секој ден во период од две години, почнувајќи од 2015 година.
