Саудиска Арабија оваа година за првпат во историјата ќе учествува на престижниот, најголем натпревар за убавина – изборот за Мис Универзум.
Оваа исламска земја ќе ја претставува убавата Руми Алкатани на која и е дозволено да биде „обична“ жена и да го покаже своето лице, кожа и долга коса пред светот.
Иако Руми поради ова ќе влезе во историјата, сепак има уште многу да му претстави на светот. Дипломирала стоматологија, течно зборува англиски и француски јазик, посветена е на културата, уметноста и науката и е љубител на патувањата и модата.
На престижниот натпревар, кој ќе се одржи во Мексико, ќе учествуваат повеќе од 90 жени од различни делови на светот, а ќе опфати три категории. Убавиците ќе шетаат во елегантни фустани, костими за капење и ќе ја претстават својата личност.
На 27-годишна возраст, Руми ја претставуваше Саудиска Арабија на меѓународни натпревари како што се Мис Арапски мир, Мис Азија и Мис на Европа.
Активна е во еколошки проекти и на социјалните мрежи, а ја нарекуваат и инфлуенсер.
Досегашниот концепт на изборот за убавина дефинитивно се промени, а претходно голема полемика предизвика уште еден настан, кога за Мис на Германија беше избрана жена која со победата ги прекрши сите традиционални норми за убавина.
