Јадењето грст бадеми печени со мед секој ден може да звучи како чисто уживање, но исто така може да биде здрав начин за подобрување на нивото на холестерол во крвта.
Две нови студии сугерираат дека и медот и бадемите поединечно имаат посебни својства кои помагаат во заштитата од срцеви заболувања. Сепак, тоа не значи дека сега можеме да се фрлиме во деликатеси како што е баклавата со надеж дека ќе го намалиме холестеролот.
Наместо тоа, велат научниците, медот и бадемите треба полека да се внесуваат во исхраната и да се заменат со други висококалорични намирници, со цел да се искористат сите придобивки без да се зголемат вишокот килограми.
Во првата студија, истражувачите од Универзитетот во Илиноис открија дека медот содржи иста количина на антиоксиданси како овошјето и зеленчукот, вклучувајќи спанаќ, банани, портокали и јагоди. Сепак, треба да јадете значителна количина мед за да ја добиете истата доза на антиоксиданси што ја добивате со јадење парче овошје.
Авторот на студијата, д-р Ники Енгсет, вели дека додавањето на мала количина мед може да го зголеми ефектот на храната добра за срцето и на тој начин да го држи нивото на холестерол под контрола.
„Медот може да го замени шеќерот и другите засладувачи кои вообичаено се користат и на тој начин да внесе значителни количини на антиоксиданси“, тврди д-р Енгсет.
Таа и нејзините колеги откриле дека консумирањето мешавина од 4 супени лажици мед со две шолји вода го зголемува нивото на антиоксиданси во крвта на 25 мажи кои учествувале во нивната петнеделна студија. Истражувачите велат дека тоа е прв пат да се покаже дека медот има антиоксидативно дејство кај луѓето.
Повеќе бадеми – помалку холестерол
Претходна лабораториска студија на истиот истражувачки тим покажа дека темниот мед има поголема концентрација на антиоксиданси. Нивните наоди неодамна беа претставени на годишниот состанок на Американската хемиска асоцијација, а студијата беше финансирана од Националниот одбор за мед.
Во посебна студија, канадските научници открија дека бадемите можат значително да го намалат т.н лошиот (ЛДЛ) холестерол. Иако претходните студии покажаа дека исхраната богата со јаткасти плодови може да го намали ризикот од кардиоваскуларни болести, не беше познато колку парчиња треба да се изедат за да се постигне тоа.
