Искористете ја сезоната на јагоди и подгответе вкусен десерт. Се прави од само три состојки. Искористете ги јагодите во овој период, бидејќи приближно 90 проценти од нивниот состав е вода и се нискокалорична храна. Во сто грама свежо овошје има само околу 30 калории.
Јагодите се исто така совршена храна за летен десерт како кремаст мус. Станува збор за сладок, лесен и освежителен десерт за кој не ви треба многу вештини во кујната. Сè што ви е потребно за да го подготвите се свежи јагоди, шеќер и шлаг, кујнски прибор и малку трпение.
Состојки за мус од јагоди: 350 гр свежи јагоди, 250 гр шлаг крем, 100 гр шеќер.
Подготовка на мус од јагоди: Извадете ја дршката од јагодите и исечкајте ги на ситни парчиња. Во блендер ставете ги јагодите и шеќерот и направете пире. Изматете го шлаг кремот, па измешајте го пирето од јагоди. Ставете го во фрижидер најмалку еден час пред сервирање или преку ноќ. Послужете разладен крем со парчиња свежи јагоди.
