Појадокот често се смета за најважен оброк во денот, но некои вообичаени опции за појадок може да придонесат за надуеност и проблеми со варењето.
Одредени намирници, како што се оние со висок процент на натриум, шеќер или преработени состојки, може да имаат лош ефект врз здравјето на цревата. Нутриционистите веруваат дека овие четири опции за појадок се најлоши.
Ултра-обработена храна
Ултра-обработената храна, како што се разни солени и слатки пецива кои обично се консумираат за време на појадокот, може да придонесат за надуеност и проблеми со варењето.
Овие намирници често се богати со рафинирани јаглехидрати и шеќери и немаат важни хранливи материи како што се влакна.
Покрај тоа, недостатокот на влакна во оваа храна може да го попречи дигестивниот процес, придонесувајќи за надуеност и непријатност.
„Единствената храна што би им препорачала на сите да престанат да јадат би била високо рафинирана храна, како што се печива. Многу од овие намирници не ги содржат хранливите материи потребни за одржување на здравото варење и доведуваат до нерамнотежа во микробиомот, што може да доведе до гасови и надуеност“, вели нутриционистката Ејми Липерт за SheFinds.
Спакувани барови за појадок
„Ваквите барови можеби изгледаат како практичен избор кога сте во брзање, но многу од нив се полни со рафинирани зрна, шеќер и вештачки адитиви“, вели нутриционистот Мина Булај.
Таа додава дека тоа негативно влијае на нашиот дигестивен систем и придонесува за надуеност.
Сланина
Сланината често е богата со натриум, а прекумерниот внес на натриум може да предизвика задржување на водата во телото, што доведува до надуеност.
„Сланината е богата со заситени масти и натриум. Заситените масти можат да предизвикаат воспаление низ телото и цревата, што доведува до надуеност и проблеми со варењето“, објасни диететичарот Џеси Фидер.
Мусли од продавница
Иако муслите често се сметаат за здрав избор за појадок поради содржината на цели зрна, овес и јаткасти плодови, тие всушност може да придонесат за надуеност и проблеми со дебелото црево кај поединци. Многу видови мусли купени во продавниците се полни со додаден шеќер и нездрави масти, кои можат да ја нарушат работата на дигестивниот систем и да доведат до непријатност, пренесува Index.hr.
„Муслите се рекламираат како здрава опција богата со растителни влакна, но повеќето производи од овој тип во продавниците се полни и со додадени шеќери и тешко сварливи јаткасти плодови и семки, што може сериозно да влијае на чувствителниот стомак“, заклучи нутриционистката Алана Кејт Дерик.
