Просечен Американец консумира 17 лажички шеќер дневно, додека според препораките на експертите, количината не треба да надминува 12 лажички шеќер дневно.
Јадењето премногу шеќер е поврзано со многу водечки причини за смрт, вклучувајќи срцеви заболувања, одредени видови на рак и дијабетес тип 2, меѓу другите.
Шеќерот може да биде дел од здрава, урамнотежена исхрана. На крајот на краиштата, примарен извор на гориво за нашиот мозок е гликозата т.е. шеќерот. Здравствените проблеми се јавуваат само кога јадете повеќе шеќер отколку што ви треба.
Иако би било исклучително тешко да го исклучите целиот шеќер од вашата исхрана, бидејќи сите јадења со јаглени хидрати на крајот се разградуваат во шеќер во телото за да се претворат во енергија, паметно е да внимавате на внесот на додадени шеќери. Додадените шеќери се оние кои природно не се наоѓаат во храната како што се овошјето и зеленчукот.
„Ако сте навикнати на диета богата со шеќер, би препорачале постепено да го намалувате внесот наместо наеднаш да го прекинете бидејќи симптомите на повлекување се непријатни“, вели диететичарот Даниел Крамбл Смит за EatThis.
Некои од почетните симптоми на повлекување шеќер вклучуваат:
– главоболка
– промени во расположението
– замор
– вртоглавица
– слаба концентрација
Какви промени може да очекувате откако ќе го исклучите шеќерот од исхраната?
За почеток, јадењето премногу шеќер предизвикува скок на шеќерот во крвта, што го поттикнува панкреасот да ослободува инсулин. Инсулинот помага да се намали гликозата во крвта.
Сепак, хронично високиот внес на шеќер предизвикува телото да ослободува многу инсулин, што може да доведе до отпорност на инсулин – состојба кога клетките не реагираат добро на инсулинот и, како што сугерира името, стануваат отпорни на него. Отпорноста на инсулин значително го зголемува ризикот од дијабетес тип 2.
Кога првпат ќе го исфрлите шеќерот од вашата исхрана, веројатно ќе се чувствувате раздразливо и мрзливо.
Не само што шеќерот влијае на нивото на гликоза во крвта, туку влијае и на хемикалиите во мозокот. „Потрошувачката на шеќер може да влијае на нивото на допамин, невротрансмитер поврзан со задоволство и награда“, вели Смит. „И намалувањето на внесот на шеќер може привремено да ја наруши оваа рамнотежа.
Така, исклучувањето на шеќер може да доведе до раздразливост, анксиозност или промени во расположението. Меѓутоа, откако првичниот „шок“ ќе помине, ќе забележите дека сте порасположени и имате повеќе енергија.
Според Центарот за превенција на болести, кардиоваскуларните болести се причина број еден за прерана смрт во САД, а според податоците на Светската здравствена организација, речиси секој втор човек во таканаречените земји умира од овие болести.
