Ако сте поминале барем половина час на „Тик-ток“, веројатно веќе сте наишле на тренд познат како „фејс тејпинг“.
Овој вирален трик за убавина против стареење вклучува лепење ленти на лицето за да се спречат брчките и да се намалат знаците на стареење.
Дали овој метод е навистина ефикасен и безбеден?
Овој метод вклучува лепење ленти на делови од лицето како што се челото, образите или вилицата, со цел да се држат мускулите на место и да се намалат движењата што придонесуваат за брчки.
Оваа практика не е нова – првата лента дизајнирана за оваа намена датира од 1889 година, а денес постојат специјализирани брендови што ги произведуваат.
Корисниците на социјалните мрежи често експериментираат со обични лепливи ленти како медицинска или кинезиотераписка лента, додека некои дури користат и обична селотејп.
Лентите обично се нанесуваат пред спиење, бидејќи дури и додека спиеме, нашите лица постојано прават микро движења.
@lila50isthenewfword @Val Trying face tape as a 52 year old. Trying out this trend so see if it is better than my silicone pads. #beautyhacks #beautytips #over50genx #trendtested #skincareroutine #skincareover30 #aging #wrinklefree #simpleskincare #over50women ♬ original sound – Lila Redefining beauty 50+ ❌
Дали „фејс тејпингот“ функционира?
Иако некои корисници тврдат дека забележале поцврста кожа и помалку брчки, експертите велат дека ефектите се претежно привремени.
Д-р Крег Лерман, пластичен хирург на Државниот универзитет во Охајо, вели дека нема клинички студии што ја потврдуваат долгорочната ефикасност на лепењето на лицето со ленти.
Сепак, методот може привремено да ја направи кожата помазна, поради што многу познати личности го користат пред важни настани.
„Луѓето користат леплива лента пред фотосесии и црвени теписи“, вели Лерман. „Но, тоа не спречува брчки.“
Професорот по дерматологија, д-р Мурад Алам, додава дека лепењето со леплива лента може привремено да ги поправи мускулите и да ги намали изразите на лицето што придонесуваат за брчки.
Дали „фејс тејпингот“ е безбеден?
И покрај популарноста, „фејс тејпингот“ не е сосема безопасен.
Иритација на кожата: Ако користите премногу лепливи ленти или грубо ги отстранувате, може да предизвикате црвенило, чешање или дури и оштетување на кожата.
Алергиски реакции: Лепилото на некои ленти може да предизвика осип кај луѓе со чувствителна кожа.
Затнати пори: Покривањето на големи површини од лицето со лента може да ги блокира порите, зголемувајќи го ризикот од акни.
Алам советува умерена употреба и нагласува дека лентите треба внимателно да се избираат за да се избегне иритација.
Фото: принтскрин
