Многу луѓе пијат вода што била наполнета во чаша или шише претходниот ден, но експертите предупредуваат дека може да биде штетна за нивното здравје.
Нутриционистката Кристен Смит препорачува правило од 12 часа за чаша вода. По тој период, најдобро е да се налее свежа вода. Сепак, таа вели дека чаша вода стара еден ден е безбедна за пиење, под услов да не е изложена на загадувачи или да не е оставена непокриена.
„Во текот на првите 12 часа, нема доволно храна за размножување на бактериите. После тоа, водата може да стане подлога за нивно размножување“, објаснува Смит.
Ако пиете вода од претходната ноќ, вообичаено е во ред. Но, ако водата стои цел ден, најдобро е да ја надополните, дури и ако сте користеле филтер.
Кога делите вода со други, тоа дополнително го забрзува размножувањето на бактериите.
„Кога пиете директно од шише или чаша, бактериите од устата можат да се пренесат на преостанатата вода и да почнат да се размножуваат. Затоа е најдобро да ја испиете водата веднаш и да не ја чувате за подоцна. Меѓутоа, ако вашата единствена опција е шише кое стоело цел ден, подобро е да ја испиете отколку да останете дехидрирани“, рече Смит.
фото/Depositphotos
