Внесот на јаглени хидрати игра значајна улога во нивото на шеќер во крвта, без разлика дали се наоѓаат во овошјето, житарките или слатките.
Зголеменото ниво на шеќер во крвта може да биде резултат на консумирање големи количини на преработени јаглехидрати, како и лоши животни навики. Храната не е единствената причина за висок шеќер во крвта.
Кога ќе размислите, веројатно веднаш ви паѓа на ум бројот на слатки што ги јадете. Внесот на јаглени хидрати игра значајна улога во нивото на шеќер во крвта, без разлика дали се наоѓаат во овошјето, житарките или слатките. Сепак, тие не се единствените кои влијаат на нивото на шеќер. Некои навики кои немаат врска со храната влијаат на тоа како телото го регулира шеќерот.
1. Стрес
Хормоните како адреналин и кортизол се ослободуваат под стрес. Ослободувањето на овие хормони ја зголемува будноста и производството на енергија – што значи дека шеќерот во крвта ќе ви се зголеми, но во овие краткорочни ситуации, тој скок на енергија е всушност пожелен. Треба да бидете будни и полни со енергија за да се справите со стресна ситуација. И кога ќе се отстрани тој стрес, нивото на овие хормони се враќа во состојба на мирување и сè повторно е избалансирано. Проблемот настанува кога стресот е постојано присутен во животот. Хронично високите нивоа на кортизол можат хронично да го подигнат нивото на шеќер во крвта, пишува „mindbodygreen“.
2. Недоволно сон
Недостатокот на сон, исто така, може да поттикне зголемување на нивото на кортизол во текот на денот, односно зголемување на гликозата и да го направи телото помалку ефикасно во намалувањето на високите нивоа на шеќер во крвта. Недоволното спиење може да ги наруши хормоните на гладот, па ќе забележите дека сте погладни во текот на денот кога не сте спиеле добро. Се препорачува 7-8 часа сон секоја вечер.
3. Недоволна активност
Нередовното движење е поврзано и со покачено ниво на шеќер во крвта. На мускулите им е потребна енергија за да се движат за време на вежбањето и ќе ја користат гликозата од крвта како гориво. Во 2022 година, истражувачите открија дека одењето, дури и стоењето 2 до 5 минути, час или два после јадење, е доволно за да има значително влијание врз нивото на гликоза во крвта. Поинтензивното вежбање има уште поголем ефект.
4. Време на јадење
Важно е и кога јадете. Метаболизмот е поактивен наутро, што значи дека телото е подобро подготвено за подобро разградување на храната и искористување на гликозата од крвта. Кога јадете доцна навечер, непосредно пред спиење, му треба подолго време на телото да ја искористи гликозата.
