„Според наше мислење, динарот го поддржуваат подобрените основни фискални индикатори, интензивните кредитирања во динари (кои се дел од резултатот на стратегијата на динаризација) и силниот прилив на капитал. НБС од почетокот на годината често интервенираше на пазарот и на страната на купувањето, и на страната на продажбата (поради сезонското слабеење на динарот во првиот квартал во 2017 година). Поточно, НБС купи 960 милиони евра, и продаде 345 милиони евра. Од друга страна, зголемувањето на увозот поддржан од домашниот пазар и сезонските фактори во последниот квартал на годината играат клучна улога на спротивната страна. Предвидуваме дека курсот на динари според еврото ќе остане главно стабилен, во зоната од околу 120-121 динар за евро“, нагласуваат аналитичарите од „Ерсте“ групата.
Економистот Александар Стевановиќ е нешто повнимателен кај овие прогнози.
„Засилувањето од 6% во скорешниот период ни изгледа како неверојатна осцилација, а не ги надминува рамките +3%, -3%. Тоа значи дека сме навикнале на стабилна валута. Не можам да тврдам што ќе биде со динарот до крајот на годината, што што и да биде нема да биде драстично“, вели Стевановиќ.
Според зборовите на професорот на Економскиот факултет Љубодраг Савиќ, секоја година во декември доаѓа до слабеење на домашната валута и засилување на еврото, среде поголемите плаќања од страна на државата. Претприемачите, како што велат, повеќе купуваат девизи за да ги платат суровините и опремата, па побарувачката влијае на нивниот раст.
„Курсот зависи од многу домашни фактори, но и движења на доларот, но во основа на досегашното искуство, можеме да очекуваме слабеење на динарот“, смета Савиќ.
