Конечно се потврдија шпекулациите што кружат во последните неколку дена за тоа дека Клои Кардашијан е бремена.
„Мојот голем сон е остварен. Ќе имаме бебе!“, напиша Клои на „Инстаграм“ и ги потврди приказните за својата бременост. Клои постави фотографија на својот профил на „Инстаграм“, со која ги потврди шпекулациите.
ТВ-ѕвездата и нејзиното момче Тристан Томпсон набргу ќе станат родители, а полот на детето засега не е откриен.
Клои во објавата му се заблагодари на момчето што ја третира како кралица, што ја направи најсреќна жена на светот.
„Фала ти што направи да станам мама“, додаде Клои.
Тие не планирале убавите вести да ги споделат со светот веднаш штом дознале. Прво сакале да уживаат во информацијата во поблискиот круг на семејството.
Двојката што почна да се забавува во септември 2016 година се запозна на состанок на слепо што го организирале нивни заеднички пријатели. Тристан веќе го има синот Принц со поранешната девојка Џордан Крег.
