Снимката од бејзбол-играчот Дени Васкез, кој во 2016 година крвнички ја претепал тогашната девојка на скалите од стадионот на „Хјустон Астрос“, тим за кој играше, е објавена на социјалните мрежи.
Васкез пред две години бил обвинет дека ѝ нанел телесни повреди на својата девојка, која физички ја нападнал на скалите, но овие обвинувања подоцна биле отфрлени затоа што играчот постигнал спогодба со обвинителството.
Сепак, снимката од нападот овие денови излезе во јавноста.
На неа се гледа како Васкез и неговата девојка се движат по скалите кога тој одеднаш се враќа и ѝ удира шлаканица, па потоа со тупаница ја удира по главата.
Бејзбол-играчот продолжил да ја влече за косата по скалите, каде што ја удрил и третпат.
