Ќерката на ирскиот музичар Ронан Китинг, дванаесетгодишната Али, доживеала несреќа за време на јавање на коњ, поради што морала да биде подложна на неколкучасовна операција.
Поранешната сопруга на Ронан, Ивон Коноли, во саботата изјавила преку социјалните мрежи, каде ги споделила информациите кои се однесуваат на нејзината ќерка, надополнувајќи дека таа била неверојатно храбра.
„Минатата недела Али заврши во болница откако претходно го имаше своето прво шоу на својот нов коњ. Поради несреќата Али заврши во болница и сега ќе мора да отсуствува од натпреварувањата 8 до 10 недели. Оперативните зафати на скршената коска завршија успешно и се надеваме дека таа ќе се врати посилно од ова“, напишала Ивон.
Ивон во пораката споделила и серија на фотографии од нејзината ќерка Али, вклучувајќи ја и онаа од коњот како и една додека лежела во болничкиот кревет. На фотографијата Али оже да се забележи дека носи, очила за сонце и розов гипс. Во коментарите може да се забележат пораки за нејзино брзо опоравување.
Али е најмладата ќерка на Ронан, која што ја има со Ивон. Поранешната двојка исто така го имаат и 19 годишнио Џек и 16 годишната Миси. Ронан исто така е татко на едногодишниот син Купер, кој го добил со сопругата Бура.
„Отсекогаш сум бил целосно посветен на моите деца и секогаш ќе бидам. Сите мои деца се неверојатни“, изјавил Ронан.
