Претседателот на САД, Доналд Трамп, одговори на навредите на американскиот актер Роберт де Ниро. Првиот човек на САД изјавил дека актерот е личност со многу низок коефициент на интелигенција.
Трамп преку „Твитер“ реагирал на навредите што Де Ниро му ги упатил во неделата вечерта на церемонијата на доделувањето на театарските награди „Тони“. Де Ниро им се извинил на Канаѓаните поради идиотското однесување на претседателот.
Трамп при враќањето од Сингапур од самитот, каде што имаше средба со лидерот на Северна Кореја, Ким Џонг-ун, на „Твитер“ објавил дека Де Ниро е личност со многу низок IQ.
Robert De Niro, a very Low IQ individual, has received too many shots to the head by real boxers in movies. I watched him last night and truly believe he may be “punch-drunk.” I guess he doesn’t…
— Donald J. Trump (@realDonaldTrump) 13 June 2018
Трамп напишал дека Де Ниро, кој е награден со „Оскар“ за главната улога во филмот „Бесен бик“ од 1980 година, во тој филм добил многу удари во главата, кој му ги нанел вистински боксер.
Американскиот претседател додал дека верува оти Де Ниро е зашеметен од ударите и му порачал да се разбуди.
„Разбуди се панчи (удрен)“, напишал Трамп на „Твитер“.
