Кралицата Елизабета II заедно со нејзиниот син Принцот Едвард биле снимени како јаваат на коњи околу дворецот Виндзор. Кралицата на себе имала марама на главата и темносина наметка.
И покрај тоа што има 92 години, таа не ги пропушта бројните значајни кралски настани и извршувања на сите должности, а не сака да се откаже ниту од своето омилено хоби јавањето коњи.
Јавањето коњи е еден од омилените хоби на британската кралица, а во повеќе наврати истакнала дека на грбот на коњите, таа се чувствува како обично човечко суштество.
Елизабета II е голем љубител на животните. Досега имала повеќе од 30 велшки кучиња, а нејзиното последно милениче Виспер починало минатиот месец.
