Во сибирскиот дел од Арктикот руски научници пронашле одлично сочувани остатоци од праисториско животно старо барем 10 илјади години. Тие внимателно го собрале скелетот на животното, откако локални жители пријавиле дека пронашле огромни коски во плитките води на едно езеро во северниот дел на Сибир.
Се работи за возрасен влакнест мамут, праисториско животно кое живеело за време на плеистоценот и изумрело на почетокот од холоценот, односно околу 9 600 година п.н.е.
