Холивудската глумица Кетрин Зета Џонс се повреди додека ја украсуваше новогодишната елка. Еден од украсите ѝ паднал на ногата, па Кетрин објасни дека морала да лежи до крајот на денот.
Глумицата се забавуваше додека ја уредуваше својата куќа за божините празници. По несреќата, таа вели дека морала целиот ден да ја одмора ногата во мраз. Кетрин сподели и видео објаснувајќи им на своите обожаватели што се случило.
View this post on Instagram
Додека ги поставувала божикните украси, железна шипка ѝ паднала на стапалото. Кетрин вели дека болката била толку силна, дури и поболна од денот кога се породувала. Глумицата добила голем број пораки од фановите во кои ѝ посакаа брзо закрепнување.
„Се надевам дека набргу ќе ти биде подобро. Јас имав слично искуство додека ги пакував божикните подароци. Го скршив глуждот и морав да лежам 8 недели“, биле само некои од коментарите што ги добила глумицата од своите фанови.
View this post on Instagram
Кетрин потоа објави и видео во кое покажа како го украсила својот дом за Божик. Таа вели дека планира празниците да ги помине заедно во семејниот дом во Ирвингтон со својот сопруг Мајкл Даглас и децата – 20-годишниот Дилан и 17-годишната Карис.
