„Добро утро од Огњанци! Ви посакувам убав ден, добри луѓе“, со оваа реченицa си ја опиша својата фотографија Макфире Шакири, дамата која со години е возач на автобус во ЈСП. Таа со позитивна мисла сака да ѝ тргне работниот ден. Па, така и вели на својот профил.
Иако во светот, веројатно, веќе и не е некоја новост да видите жена како вози автобус, кај нас во Македонија се бројат на прсти. Макфире Шакири е една од нив. Таа веќе подолго време е возач на автобус во ЈСП, а пред некој ден на својот фејсбук-профил сподели фотографија од себе како позира пред автобусот на ЈСП.
Таа е една од ретките жени возачи на автобуси, но вели дека лесно и бргу се снаоѓа во секоја ситуација, а згора на тоа е и самохрана мајка.
