Кога сакаме нешто брзо и вкусно, рецептот за кнедли од гриз е одлична препорака. Најдоброто нешто во врска со овој рецепт е тоа што можеме да избереме солена или слатка варијанта. Или и двете.
Состојки:
- 100 гр гриз
- 100 гр брашно
- 1/2 лажиче прашок за пециво
- 350 мл. вода
- 50 мл масло
- замрзнати јагоди или свежи
- презла
- За солената варијанта: сирење
Подготовка:
Кога водата ќе зоврие, се додава маслото, брашното измешано со гризот и прашокот за пециво. Се мешаат добро и се остава да олади малку.
Се вади се рашируваат топчињата на дланка, се ставаат јагоди и се прават топчиња.
Се готви во вода околу 10 минути додека не испливаат на површината. Се тркалаат во пржени презла.
По желба се посипува со шеќер и ванилин шеќер.
