Барбадос ја прогласи пејачката Ријана за национален херој на прославата на републиката во нејзиниот роден град Бриџтаун. Премиерката Миа Мотли рече дека на пејачката ќе ѝ биде доделена честа Националниот херој на Барбадос.
„Продолжи да сјаеш како дијамант и да ѝ носиш чест на твојата нација со твоите дела, со твоите постапки“, ѝ рече Мотли на Ријана, алудирајќи на нејзиниот хит Diamonds кој беше на врвот на топ листите во 2012 година.
