Домашното пивото лесно се прави со природни состојки. Нема конзервански, непастеризирано е, а содржи јачменов слад, хмељ и квасец. Се зависи од тоа што ќе правиме со суровините и како ќе ги комбинираме.
Суровините кои се користат во индустриското и домашното производство се горе-долу исти. Сепак, домашното производство е покомплицирано, бидејќи е многу потешко да се направи пиво со ист квалитет како индустриското. Пченичните пива стануваат доста популарни на Балканот, а главната разлика помеѓу пченичното пиво и сите други е тоа што јачменов слад се заменува со пченица, понекогаш и до 60%.
Еве еден едноставен рецепт: пет килограми јачменов слад (два вида), 30-40 грама хмељ (два вида), вреќичка квасец и вода.
На еден килограм слад ставате 3,6 вода. Сладот за готвење обично се изведува на 66 степени, а потоа, кога ќе се процеди, се остава да изврие. Процедурата трае околу три до четири часа. Потоа промешајте го сладот со квасец и претурете го во сад. Оставете да ферменитира околу десет дена. Ќе дознаете дали сте успеале доколку се појават меурчиња, а смесата полека почне да се претвара во кремаста, кафена маса, која со текот на времето стивнува.
Следниот чекор е да собирање на пената, а потоа истурање на пивото со чисто црево. Извадете ја само течноста, а густиот талог кој се таложи на дното од садот оставете го во него. Потоа наполнете ги претходно стерилизираните шишиња, но не до врвот, туку оставете празнина од околу 30 мм од грлото. Во секое шише истурете по една половина лажичка шеќер и оставете ги уште пет дена за да ферментира шеќерот. По оваа постапка, оставете го пивото на ладно и темно место за да се филтрира. По две недели, пивото е подготвено за употреба.
Зошто домашното пиво е подобро од индустриското?
Ферментацијата кај домашното пиво трае околу две недели, бидејќи на пивскиот квасец толку време му е потребно за да го претвори шеќерот во алкохол, додека кај индустриското пиво – еден ден.
Без разлика дали е светло или темно, матно, бистро, со јачмен или пченица, доколку сте љубител на пиво, само умереното консумирање е здраво. Експертите тврдат дека препорачаната дневна доза пиво за припадничките на понежниот пол е 0,5, додека за мажите е еден литар.
