Првата дама Елизабета Ѓорѓиевска на социјалните мрежи сподели интересни фотографии од посетата на средното училиште „Лазар Танев“ каде што заедно со учениците готвеше рецепти од германската, холандската, италијанската и шведската кујна. Таа ги засука ракавите и заедно со нив спреми неколку специјалитети, типични за овие европски кујни.
„Заедно со вештите и талентирани ученици подготвивме рецепти од германската, холандската, италијанската и шведската кујна. Ова беше одлична можност да се запознаам со практичната работа на учениците и да ги слушнам нивните размислувања и планови. На денешниот настан, кој е во рамки на иницијативата за прославување на Денот на Европа, а присуствуваа и претставници на амбасадите на Германија, Холандија, Италија и Шведска“, напиша Ѓоргиевска на Фејсбук.
Не е првпат сопругата на претседателот да се вклучи во ваква активност. Таа преклани во охридското село Рамне замеси зелник во домот на семејството Ндановски, а често е дел од иницијативата „Ретвитни оброк“ каде што готви и пакува храна за бездомните лица.
