Американската глумица и оскаровка Рене Зелгер се сврши со десет години помладиот телевизиски водител Ант Анстед. Двајцата се во врска од 2021 година, а Рене, на пријателите им открила и дека веќе ја планираат свадбата. Извор близок до нив рече дека се лудо заљубени и едвај чекаат да се венчаат.
За потсетување, ѕвездата на филмот „Бриџит Џонс“ претходно беше во брак со кантри-ѕвездата Кени Чесни, со кого се разведе четири месеци по свадбата, во 2005 година.
Претходно беше кратко свршена и со Џим Кери од 1999 до 2000 година. Беше поврзувана и со глумецот Бредли Купер, по снимањето на нивниот филм „Случај 39“ во 2009 година.
