Почина Сузан Сомерс, најпозната по улогите во ТВ-сериите „Тројца се друштво“ и „Чекор по чекор“.
Глумицата починала вчера наутро – еден ден пред нејзиниот 77. роденден, соопшти нејзиното семејство.
„Сузан Сомерс почина мирно дома во раните утрински часови на 15 октомври. Таа повеќе од 23 години успешно се бореше со агресивен вид на рак на дојка. Сузан беше со нејзиниот сакан сопруг Алан, синот Брус и нејзиното потесно семејство. Тие се собираа за прославата на нејзиниот 77. роденден на 16 октомври. Ќе го прослават нејзиниот извонреден живот. Сите им благодариме на милионите обожаватели и следбеници кои многу ја сакаа“, се вели во известувањето на семејството.
Зад себе, Сомерс има 45 филмски и ТВ-улоги. Се пензионираше од глумата во 2001 година.
