Откако неодамна на Мет Гала откри дека е бремена и дека го очекува своето трето дете, а го покажа стомакот во многу необична, впечатлива креација, Ријана се појави и на 78-от Кански филмски фестивал за да го поддржи својот партнер, раперот ASAP Rocky.
Двајцата присуствуваа на премиерата на филмот „Highest 2 Lowest“, а пејачката се појави во тесен фустан во впечатлива сина боја, повторно истакнувајќи го својот труднички стомак со овој избор.
Фустанот има посебни детали на вратот и во пределот на стомакот, каде што се врзува, а материјалот ја следи линијата на Ријана и се протега сè до подот, каде што завршува со асиметрична должина.
Таа ја собра косата во пунџа и позираше со раперот на многу весел начин. Тие не криеја колку се среќни што ќе станат родители по трет пат. Двојката веќе има два сина.
