Актерката Бергузер Корел сподели фотографии без шминка и во бикини, а следбениците коментираат дека многу помлади девојки може да ѝ позавидат на изгледот, но и дека има совршено тело и покрај тоа што родила три деца.
Бергузер Корел (42), или популарната Шехерезад од серијата „1001 ноќ“, блеска на почетокот на петтата деценија од животот.
Таа одамна важи за една од најубавите актерки во Турција – природна, секогаш насмеана, позитивна. Таква е и на фотографиите што ги објави на Инстаграм од почетокот на летото, од кои еден дел се направени за време на нејзиното летување во Мармарис, каде што беше со сопругот и трите деца. Во брак е со актерот Халит Ергенч (Сулејман Величествениот), со кого има три деца.
