Популарните кукли Лабубу би можеле да се појават на филмското платно во иднина, а компанијата Сони пикчерс оваа недела склучи договор за развој на филм базиран на чудовишта со заби, пренесува Холивуд Репортер.
Филмот е во рана фаза на развој и сè уште не е одлучено дали ќе биде играна или анимирана верзија, пренесува Ројтерс.
Куклите Лабубу, кои ги продава кинескиот Поп Март, станаа глобален феномен оваа година, а во јавноста ги носеле познати личности, меѓу кои и американската пејачка Ријана.
Купувачите често чекаа во редови за да купат кукли во затворени кутии, кои го чуваат точниот модел во тајност додека не се отворат.
