Актерот Милош Тимотијевиќ се соблече гол за да ја подржи Парадата на гордоста во Белград

Српскиот актер Милош Тимотијевиќ се соблече гол и позираше пред фотообјективот на фотографот Милош Надаждин како дел од изложбата посветена на месецот на гордоста. Во сензуална поза, покриен со жолта боја, ја поддржа борбата на ЛГБТ-заедницата за еднакви човекови права.

Во еротска сцена на фотографиите кои беа дел од изложбата се најдоа и Наташа Беквалац и Сара Јо.

„Богатството е во различноста“, рече Милош во објава на Инстаграм.

Актерот отворено ги поддржува правата на ЛГБТ-популацијата, а поради конкретни сцени и самиот некогаш беше цел на критики во јавноста. Имено, по емитувањето на 11. епизода од серијата „Јужен ветер“ во која актерот Милош Тимотијевиќ во улога на корумпираниот полицаец Ступар бакнува маж, следеа навредливи пораки и закани.

„Откако излезе епизодата, добив најмалку 100 пораки на омраза на социјалните мрежи, главно од деца под 15 години. Сега ме нарекуваат со секакви имиња и ми е многу чудно што луѓето во 21 век идентификуваат актер со карактер, а уште повеќе ме шокира кои се прилично груби и полни со омраза кон геј-заедницата. Зошто родителите дури и дозволуваат децата да гледаат таква содржина и зошто немаат контрола? – Серијата ‘Јужен ветер’ е полна со насилство и други содржини што не се погодни за деца. Шокантно ми е што од тие 100 пораки можеби само пет биле од постари луѓе, сите други пораки на омраза ги праќале деца“, откри актерот.

За потсетување, изложбата на фотографии наречена „Траги“ беше отворена  во Белград, а уметници од различни сфери на уметноста позираа пред објективот на маестралниот Милош Надаждин.

Scroll to Top