Гордана Здравковиќ: Не добив денар од екипата на Бјелогрлиќ кој го режираше филмот „Тома“

By

Сопругата на познатиот српски пејач Тома Здравковиќ, вели дека не добила ниту еден денар од екипата на Драган Бјелогрлиќ, кој го режираше филмот „Тома“.

dobivaj vesti na viber

Таа изјавила дека прокетот е добро направен, иако имало делови кои не се совпаѓаат со фактите што се случиле во реалноста, рекла Гордана Здравковиќ на денот на одбележувањето 31 година од смртта на пејачот.

Таа за српска „Република“ вели дека се надева дека Бјела нема да ја заборави, со оглед на тоа што кога разговарале најдобро ја прикажувала емоцијата што пејачот ја имал во текот на животот, а која, според неа, актерот Милан Мариќ одлично ја покажал во филмот.

„Ниту добив ниту имам корист од филмот. Се надевам дека на некој начин ќе се регулира. Мислам дека и луѓето кои работеа на филмот го знаат тоа и верувам дека не ме заборавија. Бјелогрлиќ не дојде на комеморацијата поради корона, но тоа беше лани. Тој и јас разговаравме пред снимањето. Од самиот почеток знаев дека не го интересира филмот да го претвори во биографија, туку само емоциите. Се обидов сето тоа да го опишам со зборови за да може што подобро да се пренесе на екранот. Мислам дека успеавме во тоа, актерите завршија одлична работа. Нема да барам правда, само се надевам дека нешто ќе ми оди во раце“, рекла Гордана и објаснила дека тагата за нејзиниот покоен сопруг е се поголема како одминува времето.

„Годинава тагата е поголема, само поради филмот „Тома“. Филмот си го направи своето, па се вратија емоциите кои постоеја. Сега се уште посилни, се се врати. Оваа година ми е многу полоша од претходната. Го имам гледано филмот многу пати, потоа сфаќам дека го нема, и многу е болно. Велат дека времето лечи се, лекува, но болката останува иста“, изјавила сопругата на пејачот.

Таа открила дека нејзиниот син Александар се уште не го гледал филмот бидејќи не му се допаѓа како се прикажува животот на Тома.

„Александар гледаше некои инсерти и не му се допадна како се претставува Тома. Не сакаше да го гледа целиот филм“, изјавила Гордана Здравковиќ.




Ќе ви се допадне