Српската глумица Дара Чалениќ, која стана популарна како жената на Жика Павловиќ во филмот „Жикина династија“, по 40 години откри дека се откажала од улогата поради нејзиниот сопруг. Актерката, која и денес сите ја паметат по популарната реченица „Љуби га мајка“, вели дека не ѝ било воопшто лесно да се откаже од ликот кој ѝ донесе огромна слава.
„Мојата одлука да живеам со мојот сопруг во Америка е причината што го раскинав договорот. Но, убаво е да се чуе дека сите ме паметат од ‘Жикина династија’. Се зборува дека многу луѓе неколку пати ја гледале таа ТВ-серија на Зоран Калиќ. Се чувствував многу добро на сетот, како дома, но морав да престанам да снимам. И не ми се допаѓа што ликот на Дара стана премногу популарен. Често кога ме гледаа на улица, луѓето не ми се обраќаа како Дара Чалениќ, туку со ‘љуби га мајка’,“ рекла глумицата.
86-годишната Дара долго време живееше во Америка, но сега повторно е во Србија. Таа веќе неколку години не може да оди, туку седи во инвалидска количка, а сопругот се грижи за неа.
„Животот во Бостон беше многу разновиден. Ја сакам гимнастиката, затоа слободното време го користев за вежбање, а навечер во кино, театар или концерт во познатата симфониска сала. Читав и патував многу. И сега читам. Понекогаш, иако не успевам многу, пробувам и да готвам. Мојот маж Влада ја обожава мојата храна, па пресреќна сум кога ќе можам да му зготвам нешто и да го расположам“, раскажала некогашната глумица.
