По пет години постоење српската група Хурикејн се распаѓа, оваа информација е потврдена со официјално соопштение од нивниот продуцентски тим. Соработката помеѓу членките на групата – Сања Вучиќ, Ивана Николиќ и Ксенија Кнежевиќ, завршува во септември, а оваа одлука е донесена заеднички, велат од продуцентскиот тим.
Причината за оваа одлука е тоа што плановите на групата не се вклопуваат со бизнис-плановите на продуцентите.
„Во знак на благодарност до обожавателите од сите возрасти, се организира проштална турнеја за која медиумите и јавноста навреме ќе бидат информирани и која може да се одржи до ноември. Беше исклучително голема чест да се соработува со Сања, Иван и Ксенија, кои докажаа дека се професионалци и го оправдаа статусот на ѕвезди кои во меѓувреме го стекнаа благодарение на нивниот труд, труд, посветеност и талент. Тие ја оправдаа довербата што им ја даде нашата продукција“, велат од продуцентскиот тим.
По ова членките на Хурикејн и продуцентите остануваа во пријателски однос, а нивната соработка ќе ја завршат со уште неколку нови песни. Тие до септември нема повеќе да гостуваат во медиумите, ниту да даваат интервјуа, освен за промоција на нивните нови песни.
