Адвокатите на Амбер Херд поднесоа барање за укинување на пресудата

Адвокатите на актерката Амбер Херд побараа целосно да се укине пресудата против неа во случајот за клевета со нејзиниот поранешен сопруг Џони Деп.

dobivaj vesti na viber

Херд, која беше прогласена за виновна за три точки од обвинението за клевета во јуни, во документ од 43 страници рече дека пресудата на поротата треба да биде отфрлена, а со тоа и отштета од повеќе од 10 милиони долари со образложение дека не е поткрепена со докази.

Херд тврди, меѓу другото, дека е лажно тврдењето на Деп оти ја изгубил улогата во „Пиратите од Карибите“ поради тврдењата што таа ги изнела во написот на „Вашингтон пост“.

Деп постапи исклучиво врз основа на клевета со импликација напуштајќи го секое тврдење дека изјавите на г-ѓа Херд се всушност лажни, тврди нејзиниот адвокат Елејн Брајдхофт во поднесувањето.

Херд исто така тврди дека казнената отштета што ѝ ја доделила поротата е прекумерна бидејќи по пресудата било утврдено дека таа и Деп се клеветеле меѓусебно.

Во коментар за Courthouse News, главниот адвокат на Деп, Бен Чу, очекувано го отфрли барањето на Херд и нејзиниот тим.

 

Scroll to Top