Американската пејачка Бијонсе заедно со „Адидас“ и организацијата „Bread of Life“ ги здружија силите за да соберат пари за загрозените жители на Тексас, кои се борат со последиците од ледената бура „Ури“.
Бијонсе преку својот мрежи, апелираше за помош на загрозените. Покрај тоа, таа ги покани погодените од невремето да се пријават на посебен линк за да им ги донираат потребните средства.
„Нашите молитви се со погодените од невремето“, напишаа од фондацијата, на Твитер.
Visit @BreadoflifeH for more information on assistance.
We send our prayers to those impacted by the winter storm. pic.twitter.com/Tqpf7kxmij— BeyGOOD (@BeyGood) February 19, 2021
Во ледената бура што го погоди Тексас, пред неколку дена, повеќе од 40 лица го загубија животот, а неколку милиони луѓе во моментов живеат без лекови, храна, вода, струја и греење. Низ цела Америка се започнати бројни хуманитарни акции, а веќе се собрани стотици илјади долари за помош на загрозените.
Инаку, ова не е првпат Бијонсе да им помага на Американците преку фондацијата „BeyGOOD“. Во текот на 2020 година пејачката повеќепати донираше средства за набавка на храна, заштитни маски, средства за дезинфекција и лекови поради пандемијата на коронавирусот.
View this post on Instagram
