Џастин Бибер покажа дека напредува во лекувањето од синдромот Рамзи Хант

Пејачот Џастин Бибер ги информираше фановите за неговото закрепнување откако му беше дијагностициран синдромот Рамзи Хант.

Тој објави видео на Инстаграм каде што ги движеше двете страни на лицето, нешто што не можеше да го направи минатата година.

„Чекај“, им напиша тој на своите следбеници на својот Инстаграм профил кој има повеќе од 281 милион.

Во краткиот клип, Бибер ги мрдаше очите од една на друга страна, ги креваше веѓите и се смееше.

Рамзи Хант синдромот се карактеризира со болен осип во близина на увото, лицето или устата. Се манифестира кога вирусот варичела-зостер инфицира нерв во главата и понекогаш може да предизвика парализа на лицето.

Минатиот јуни канадскиот пејач откри дека боледува од овој синдром. Во тоа време, двократниот добитник на Греми рече дека неговото закрепнување ќе потрае и дека ќе мора да прави различни вежби за лицето. Дијагнозата го принуди да ги одложи датумите на неговата светска турнеја во САД.

„Тоа е од тој вирус кој го напаѓа нервот на моето уво и фацијалните нерви и ми предизвикува парализа на лицето. Како што можете да видите, со ова око не можам да трепкам. Не можам да се насмевнам на оваа страна од лицето, оваа ноздра не можам да ја мрдам. Целосно сум парализиран од оваа страна на лицето“, објасни тој во видеото на Инстаграм во јуни.

Scroll to Top